“Qalatasaray”ın sabiq futbolçusu karyerasını bərpa edir

454

Niderland millisinin daha bir sabiq futbolçusu karyerasını bərpa edir.

NUHÇIXAN İnformasiya Agentliyinin məlumatına görə, dünya çempionatının gümüş mükafatçısı Uesli Sneyder “Utrext” klubunda çıxış etmək niyyətindədir.

Karyerasını ötən il Qətərin “Əl-Qərəfə” klubunda başa vuran 36 yaşlı yarımmüdafiəçi bir ildən sonra meydanlara dönməyə hazırlaşır. Utrextdə anadan olan Sneyder heç vaxt şəhərin eyniadlı komandasında oynamayıb. Uesli təklif aldığı klub rəhbərliyinə fikirləşəcəyini bildirib.

“Ayaks”ın yetirməsi olan Sneyder İspaniyada “Real”, İtaliyada “İnter”, Türkiyədə “Qalatasaray”, Fransada “Nitsa”nın formasını geyinib. O, 2013-18-ci illərdə millidə 134 matça çıxmaqla rekorda imza atıb. Onun hesabında 31 qol var.

Qeyd edək ki, bir müddət öncə Aryen Robben də karyerasını bərpa edəcəyini açıqlayıb.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: