Futbol üzrə Türkiyə Kubokunun final matçının keçiriləcəyi vaxt məlum olub
Türkiyə Futbol Federasiyası futbol üzrə "Ziraat Türkiyə Kuboku"nun final oyunun keçiriləcəyi tarixi və stadionu açıqlayıb.
NUHÇIXAN İnformasiya Agentliyinin məlumatına görə, "Ziraat Türkiyə Kuboku" iyulun 29-u İstanbulda keçiriləcək.
Bildirilir ki, "Trabzonspor" və "Alanyasport" arasında baş tutacaq final oyunu "Atatürk" Olimpiya Stadionunda oynanılacaq. Oyun yerli vaxtla saat 21:30-da başlayacaq.
Xatırladaq ki, mayın 5-i keçirilməli olan "Ziraat Türkiyə Kuboku"nun final oyunu yeni növ koronavirus səbəbilə təxirə salınmışdı.