Bekhemin klubu Falkao ilə maraqlanır
Türkiyənin "Qalatasaray" komandasının futbolçusu Radamel Falkao karyerasını MLS-də davam etdirə bilər.
NUHÇIXAN İnformasiya Agentliyinin "Diario AS" nəşrinə istinadən məlumatına görə, 34 yaşlı hücumçu ilə ABŞ-ın "İnter Mayami" klubu maraqlanır. İstanbul təmsilçisinin rəhbərliyi cəlbedici təklif müqabilində Falkaonu buraxmağa hazırdır.
Bu mövsüm kolumbiyalı forvard 22 oyuna 11 qol və 1 məhsuldar ötürmə ilə yadda qalıb.
"İnter Mayami"nin sahibi İngiltərə millisinin sabiq futbolçusu Devid Bekhemdir.