Millimizin yeni baş məşqçisinin Azərbaycana gələcəyi tarix müəyyənləşib
Futbol üzrə Azərbaycan milli komandasının yeni baş məşqçisi Canni De Byazinin ölkəmizə nə vaxt gələcəyi dəqiqləşib.
NUHÇIXAN İnformasiya Agentliyi xəbər verir ki, italiyalı mütəxəssisin avqustun 5-də Bakıya gələcəyi gözlənilir. De Byazi AFFA rəhbərliyi ilə görüşəcək, bir sıra müzakirələr aparacaq.
Sonrakı günlərdə Qəbələdə Azərbaycan Premyer Liqası klublarının yeni mövsüm üçün hazırlığının izlənilməsi, futbolçularla yerində tanışlıq, həmçinin həmkarlarla toplantının keçirilməsi nəzərdə tutulur.