UEFA Çempionlar Liqası: “Atalanta” son dəqiqələrdə qələbəni əldən verib

A- A A+

Avqustun 12-də UEFA Çempionlar Liqasının dörddəbir final mərhələsinə “Paris Sen-Jemen” (Fransa) - “Atalanta” (İtaliya) oyunu ilə start verilib.

NUHÇIXAN İnformasiya Agentliyi xəbər verir ki, Lissabondakı “Estadio da Luz” stadionunda baş tutan görüş “Paris Sen-Jermen”nın qələbəsi ilə başa çatıb - 2:1.

Oyunda hesabı “Atalanta” 27-ci dəqiqədə Mario Paşaliç sayəsində açıb.

Fasilədən sonra fransızların qol vurmaq şansı olsa da, hesab dəyişilməyib.

Matçın 90-cı və 90+2-ci dəqiqələrində “Paris Sen-Jermen” geridönüş edərək ardıcıl iki qol vuraraq vacib qələbə qazanıb.

Qolları müvafiq olaraq Markinyos və Erik Maksim Şupo-Motinq vurub.

Bu qələbə sayəsində “Paris Sen-Jermen” qitənin ən nüfuzlu klub turnirinin yarımfinal mərhələsinə vəsiqə qazanıb.

Paytaxt təmsilçisi yarımfinalda “Leyptsiq” (Almaniya) - “Atletiko Madrid” (İspaniya) oyunun qalibi ilə qarşılaşacaq. Həmin oyun avqustun 13-də Bakı vaxtı ilə saat 23:00-da başlayacaq.

Dörddəbir final mərhələsinin digər oyunlarında “Barselona” (İspaniya) - “Bavariya” (Almaniya) və “Mançester Siti” (İngiltərə) - “Lion” (Fransa) üz-üzə gələcəklər. Həmin oyunlar isə müvafiq olaraq avqustun 14-15-də təşkil olunacaq.

Xatırladaq ki, UEFA Çempionlar Liqasının qarşılaşmaları “8-lər finalı” formatında Portuqaliyanın paytaxtı Lissabonda oynanılır.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: