Stolüstü tennis üzrə Avropa çempionatı təxirə salınıb
Stolüstü tennis üzrə Avropa çempionatı 2020-ci ilin sentyabrında baş tutmayacaq. Qitə turniri koronavirus pandemiyası səbəbindən təxirə salınıb.
NUHÇIXAN İnformasiya Agentliyi xəbər verir ki, bu barədə Avropa Stolüstü Tennis Birliyinin (ETTU) mətbuat xidməti məlumat yayıb.
Turnir sentyabrın 15-20-də Varşavada keçirilməli idi. Turnirin yeni tarixi ilə bağlı daha sonra məlumat veriləcək.