Basketbol Federasiyasına yeni sədr təqdim olunub - FOTOLAR
NUHÇIXAN İnformasiya Agentliyi xəbər verir ki, Naxçıvan Muxtar Respublikası Basketbol Federasiyasının iclası keçirilib.
Tədbirdə Gənclər və İdman naziri Azad Cabbarov çıxış edərək bildirib ki, Naxçıvan idmançıları 2020-ci ilin 6 ayı ərzində keçirilən ölkə birinciliklərində 21, beynəlxalq turnirlərdə 17 olmaqla, ümumilikdə 38 medal qazanıblar.
İclasda Naxçıvan Dövlət Universitetinin rektoru Elbrus İsayev həm də Naxçıvan Muxtar Respublikası Basketbol Federasiyasının sədri vəzifəsinə təqdim olunub.
Elbrus İsayev çıxışında bildirib ki, “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın qəbul edilməsi basketbolun inkişafı üçün də əsaslar yaradır. Mövcud şəraitdən səmərəli istifadə ediləcək, federasiyanın əhatə etdiyi idman növləri üzrə kütləviliyin təmin olunmasına nail olunacaq, idmançıların ölkə və beynəlxalq səviyyəli yarışlarda iştirakı təmin ediləcəkdir.
Sonda iclas iştirakçılarının fikir və təklifləri dinlənilib.
Azər Zeynalov