Messi "Barselona"dan ayrılacağını istisna etmədiyini deyib

İspaniyanın "Barselona" futbol klubunun hücumçusu Lionel Messi baş məşqçi Ronald Kuman ilə söhbətində komandadan ayrılmağı düşündüyünü bildirib.

NUHÇIXAN İnformasiya Agentliyinin məlumatına görə, bu barədə İspaniyanın "Rac1" radiostansiyası xəbər verib.

Məlumata əsasən,  futbolçunun evində baş tutan görüş zamanı hücumçu növbəti mövsüm üçün planlarını bölüşüb. Argentinalı oyunçu etiraf edib ki, Çempionlar Liqasının dörddəbir finalında Almaniyanın "Bavariya"sına məğlub olduqdan (2:8) sonra "Barselona" üçün aydın bir gələcək görmədiyi vəziyyətdən narahat və narazıdır.

Klub rəhbərliyi görüşlə bağlı heç bir açıqlama verməyib.