Futbol üzrə Fransa çempionatı bir oyun ilə start götürür
Bu gün futbol üzrə Fransa çempionatının 2020-2021-ci il mövsümünə start verilir.
NUHÇIXAN İnformasiya Agentliyi xəbər verir ki, birinci turun ilk oyun günündə bir oyun təşkil olunacaq. “Bordo” klubu öz meydanında “Nant” komandasını qəbul edəcək.
Ötən mövsüm milli çempionatı “Amyen” və “Tuluza” klubları tərk edib. Onları “Loryen” və “Lans” əvəz edib.
Ötən mövsüm koronavirus pandemiyası səbəbindən vaxtında əvvəl başa çatıb və “Paris Sen-Jermen” çempion elan olunub.
Qeyd edək ki, 2021-ci il mayın 23-də başa çatacaq Liqa 1 38 turda ibarət olacaq.