“Fənərbağça” 29 yaşlı yarımmüdafiəçisi ilə yollarını ayırıb
Türkiyənin “Fənərbağça” futbol klubu yarımmüdafiəçisi Alper Potukla yolları ayırıb.
NUHÇIXAN İnformasiya Agentliyi klubun saytına istinadla xəbər verir ki, 29 yaşlı futbolçunun 2022-ci ilin iyununda başa çatmalı olan müqaviləsi vaxtından əvvəl qarşılıqlı razılaşma əsasında ləğv edilib.
Alper Potuk 2013-cü ildə “Eskişehirspor”dan “Fənərbağça”ya transfer olunub.
Xatırladaq ki, “Qarabağ” qışda A.Potuku transfer etmək istəyib, ancaq maliyyə məsələlərində razılıq əldə olunmadığı üçün bu məsələ reallaşmayıb.