“Çelsi” klubu PSJ-nin braziliyalı müdafiəçisini transfer edib
İngiltərənin “Çelsi” klubu Fransanın “Paris Sen-Jermen” komandasının müdafiəçisi Tiaqo Silvanı transfer edib.
NUHÇIXAN İnformasiya Agentliyi klubun rəsmi saytına istinadla xəbər verir ki, London təmsilçisi braziliyalı futbolçu ilə birillik müqavilə imzalayıb.
Qeyd edək ki, Tiaqo Silva parislilərin heyətində 2012-ci ildən çıxış edib. Tiaqo 315 oyunda 17 qol və 5 məhsuldar ötürmə ilə yadda qalıb.