Şahmatın tempo növü üzrə rayon birinciliyi - FOTOLAR
Sədərək rayonunda yeniyetmələr arasında şahmatın tempo növü üzrə rayon birinciliyi keçirilib
NUHÇIXAN İnformasiya Agentliyi xəbər verir ki, birincilik Naxçıvan Muxtar Respublikası Şahmat Federasiyasının Rayon bölməsinin, Təhsil Şöbəsinin, Gənclər və İdman İdarəsinin və Uşaq Gənclər Şahmat məktəbinin birgə təşkilatçılığı ilə reallaşıb. Yarışda ümumtəhsil məktəblərinin və şahmat məktəbinin qız, oğlan şahmatçı şagirdləri iştirak edib. Oğlanlar arasında Anar İbrahimzadə I, Sənan Rzalı II və Cəbrayıl Hüseynov III yerə layiq görülüb. Qızların mübarizəsində isə Aytən Hüseynova I, Nurşən İbrahimzadə II və Nuray İbrahimova III yerdə qərarlaşıblar.
Qaliblər sonda təşkilatçıların diplom və pul mükafatları ilə təltif olunub.
Əli Məmmədov