Ümumdünya Xüsusi Qış Olimpiya Oyunlarının loqotipini hazırlamaq üçün müsabiqə elan edilib
2022-ci ildə Kazanda keçiriləcək Ümumdünya Xüsusi Qış Olimpiya Oyunlarının loqotipini hazırlamaq üçün müsabiqə elan edilib.
NUHÇIXAN İnformasiya Agentliyi xəbər verir ki, müsabiqədə 16 yaşdan yuxarı şəxslər iştirak edə bilərlər.
Müsabiqənin qalibi 100 min rubl pul mükafatı alacaq. Dizayn layihələri sentyabrın 3-dən 30-dək qəbul ediləcək. Qalib 2020-ci il oktyabrın ortalarınadək müəyyənləşəcək.
Ümumdünya Xüsusi Qış Olimpiya Oyunları 2022-ci il yanvarın 22-28-də keçiriləcək.
Qeyd edək ki, Azərbaycanın florbol (topla döşəmə üzərində xokkey) komandası 2017-ci ildə Avstriyanın Qraz şəhərində keçirilən Ümumdünya Xüsusi Qış Olimpiya Oyunlarının qalibi olub.