Millətlər Liqası: İtaliya millisi öz meydanında xal itirib
Sentyabrın 4-də futbol üzrə UEFA Millətlər Liqasının 2020-2021-ci illər mövsümünün birinci turunun növbəti oyunları keçirilib.
NUHÇIXAN İnformasiya Agentliyi xəbər verir ki, ikinci oyun günündə A, B və C liqalarında, ümumilikdə, 8 matç baş tutub.
A liqasının 1-ci qrupunda yer alan İtaliya millisi öz meydanında Bosniya və Hersoqovina komandasını qəbul edib. Görüş 1:1 hesabı ilə heç-heçə başa çatıb.
Oyunda hesabı 57-ci dəqiqədə qonaqlar açıblar. Edin Dzeko fərqlənib. Oyunun 67-ci dəqiqəsində Stefano Sensi hesaba tarazlıq gətirib.
Azərbaycan millisinin yer aldığı C liqasında isə Litva millisi öz meydanında Qazaxıstan seçməsinə (2:0), Belarus komandası isə Albaniya millisinə eyni hesabla məğlub olub.
Günün digər görüşlərində aşağıdakı hesablar qeydə alınıb:
A liqası (1-ci qrup)
Niderland – Polşa - 1:0.
B liqası (1-ci qrup)
Norveç - Avstriya - 1:2
Rumıniya – Şimali İrlandiya -1:1
B liqası (2-ci qrup)
Şotlandiya - İsrail - 1:1
Slovakiya – Çexiya - 1:3.
Qeyd edək ki, Millətlər Liqasında yeni mövsümə dünən start verilib. Azərbaycan yığması turnirdə ilk oyununu bu gün Bakıda Lüksemburq seçməsinə qarşı keçirəcək.