“Real Madrid”in Eden Hazarda görə “Çelsi”yə ödədiyi məbləğ məlum olub
“Real Madrid” klubunun Eden Hazarda görə “Çelsi”yə ödədiyi məbləğ məlum olub.
NUHÇIXAN İnformasiya Agentliyi “COPE” nəşrinə istinadla xəbər verir ki, Madrid təmsilçisi bu transferə görə 160 milyon avro ödəməlidir. Halbuki buna qədər belçikalı futbolçunun transferinə görə 100 milyon avro xərclənəcəyi haqda xəbərlər dolaşırdı.
İspaniya nəşrinin Belçika mətbuatına istinadən verdiyi məlumata inansaq, “Real” 3 mərhələdə “Çelsi”yə ödəniş etməlidir. Ötən il bu məbləğ 40 milyon avro təşkil edirdisə, bu il 56, növbəti il isə 64 milyon avro ödənməlidir. Bununla yanaşı, 3 il ərzində Hazardı yetişdirən Belçikanın “Tübiz” klubunun hesabına da müvafiq olaraq 200, 280 və 320 min avro köçürülməlidir.