“Avro-2024”ün püşkatma mərasimi 2023-cü ilin dekabrında Hamburqda keçiriləcək
2024-cü ildə Almaniyada keçiriləcək futbol üzrə Avropa çempionatının final mərhələsinin püşkatması Hamburq şəhərində keçiriləcək.
NUHÇIXAN İnformasiya Agentliyi xəbər verir ki, 24 komandanın qatılacağı qitə birinciliyinin püşkatma mərasim 2023-cü ilin dekabrında Elbe Filarmoniyasında təşkil olunacaq.
Qeyd edək ki, “Avro-2024”ün matçları Almaniyanın Berlin, Dortmund, Düsseldorf, Hamburq, Gelzenkirxen, Köln, Leyptsiq, Münxen, Frankfurt-Mayn və Ştuttqart şəhərlərində olacaq.