Luis Suarez “Yuventus”a keçməyə yaxındır
İspaniyanın “Barselona” futbol klubunun hücumçusu Luis Suarez İtaliyanın “Yuventus” komandasına keçməyə yaxındır.
NUHÇIXAN İnformasiya Agentliyi xarici KİV-lərə istinadla xəbər verir ki, 33 yaşlı hücumçu İtaliyaya yollanıb. Uruqvaylı forvardın İtaliya pasportu almaq üçün imtahan verəcəyi bildirilib. Onun növbəti mövsümdə Turin klubunda çıxış edəcəyi gözlənilir.
Qeyd edək ki, “Barselona”nın baş məşqçisi Ronald Kuman açıqlamasında Suaresin komandada qalıb-qalmayacağını bilmədiyini deyib.