"Yuventus" klubu Qonzalo İquainlə yolları ayırıb
İtaliyanın "Yuventus" futbol klubu hücumçusu Qonzalo İquainlə yolları ayırıb.
NUHÇIXAN İnformasiya Agentliyi klubun saytına istinadla xəbər verir ki, 32 yaşlı hücumçu ilə müqaviləyə qarşılıqlı razılaşma əsasında xitam verilib.
İquain 2016-cı ildə 90 milyon avroya "Napoli"dən Turin təmsilçisinə transfer olunub.
Argentinalı oyunçunun karyerasını ABŞ-ın "İnter Mayami" klubunda davam etdirəcəyi gözlənilir.