Şahmat üzrə Sədərək rayon birinciliyinin qalibləri mükafatlandırılıb - FOTOLAR
NUHÇIXAN İnformasiya Agentliyi xəbər verir ki, Sədərək rayonunun ümumtəhsil məktəblərində şahmat fənnini tədris edən müəllimlər və şahmatçı şagirdlər arasında rayon birinciliyi keçirilib.
Yarış rayon Təhsil şöbəsi, Gənclər və İdman İdarəsinin və Şahmat Federasiyasının rayon bölməsinin təşkilatçılığı ilə reallaşıb. Rayonun şahmat məktəbində baş tutan görüş olimpiya sistemi üzrə keçirilib. Turnirdə 10 məşqçi müəllim və 10 ümumtəhsil məktəblərinin şahmatçı şagirdləri iştirak edib. Yekun nəticələrinə əsasən müəllimlər arasından Qələndar Əliyev I, şagirdlər arasından isə Xaliq Cəfərov II, Sənan Rzalı isə III yerə layiq görülüblər.
Sonda qaliblər təşkilatçılar tərəfindən diplom və fəxri fərmanlarla mükafatlandırılıb.
Əli Məmmədov