Hans Flik 2019/2020-ci il mövsümünün ən yaxşı baş məşqçisi seçilib
UEFA 2019/2020-ci il mövsümünün ən yaxşı futbolçusu və baş məşqçisini müəyyənləşdirib.
NUHÇIXAN İnformasiya Agentliyi xəbər verir ki, Çempionlar Liqasının 2020/2021-ci il mövsümünün qrup mərhələsinin püşkatma mərasimindən sonra Almaniyanın “Bavariya” klubunun hücumçusu Robert Levandovski ən yaxşı futbolçu elan edilib. Almaniya təmsilçisinin çalışdırıcısı Hans Flik isə ən yaxşı baş məşqçi adına layiq görülüb.
Qeyd edək ki, “Bavariya” Çempionlar Liqasının finalında Fransanın PSJ klubunu 1:0, UEFA Super Kubokunda isə İspaniyanın “Sevilya” komandasını 2:1 hesabı ilə məğlub edib.