"Neftçi" "Uypeşt"lə oyun üçün Macarıstana yola düşüb
Avropa Liqasının I təsnifat mərhələsinin cavab görüşündə "Uypeşt"in qonağı olacaq "Neftçi" komandası Macarıstanın paytaxtı Budapeştə yollanıb.
NUHÇIXAN xəbər verir ki, çarter reysi ilə uçan təyyarə saat 15:00-da Heydər Əliyev Beynəlxalq Hava Limanından yola düşüb. Səfərə gedənlər arasında ilk görüşdə zədələnərək 1 ay müddətinə sıradan çıxan Namik Ələskərov da var. O, komandaya dəstək məqsədilə Budapeştə gedib.
Eyni zamanda AFFA Məşqçilər Komitəsinin üzvü Şakir Qəribov da uçuş iştirakçıları arasındadır.
Qeyd edək ki, iyulun 19-da keçiriləcək "Uypeşt” – "Neftçi” oyunu Bakı vaxtı ilə saat 23:00-da başlayacaq. İlk görüşdə bakılılar 3:1 hesabı ilə qalib gəlib.