Şahmat üzrə klublararası Avropa kuboku yarışında “Odlar yurdu” komandası 9-cu olub

Şahmat üzrə klublararası Avropa kuboku yarışı başa çatıb.

NUHÇIXAN İnformasiya Agentliyi xəbər verir ki, turnirin finalında son beş oyunda mübarizə aparan Azərbaycanın qadınlardan ibarət “Odlar yurdu” komandası Macarıstanın “Hello Sacc” kollektivini, daha sonra Fransanın “Tremblay en France” komandasını məğlub etsə də, sonrakı qarşılaşmalarda “Monte Karlo” (Monako), “Kiyev Şahmat Federasiyası” ( Ukrayna) və "Ugra" (Rusiya) yığmalarına məğlub olub. Heyətində Günay Məmmədzadə, Gülnar Məmmədova, Xanım Balacayeva, Türkan Məmmədyarova və Ülviyyə Fətəliyevanın yer aldığı yığmamız yekun nəticədə 6 xalla doqquzuncu yerdə qərarlaşıb.

Turnirin qalibi 14 xalla Monakonun “Monte Karlo” yığması olub.