İspaniya La Liqası: Madridin “Real” klubu xal itirib
Dekabrın 30-da İspaniya La Liqasında XVI turun növbəti oyunu keçirilib.
NUHÇIXAN İnformasiya Agentliyi xəbər verir ki, turnir cədvəlinin ikinci pilləsində qərarlaşan Madridin “Real” klubu səfərdə “Elçe” ilə qarşılaşıb. Görüş 1:1 hesabı ilə başa çatıb. “Kral” klubunun yeganə qoluna Luka Modriç imza atıb. Meydan sahiblərinin heyətində isə penaltidən Fidel fərqlənib.
Qeyd edək ki, 16 turdan sonra 33 xal toplayan Zinəddin Zidanın yetirmələri ikinci pillədə qərarlaşıblar.