UEFA ötən ilin rəmzi komandasını açıqladı
UEFA 2020-ci ilin rəmzi komandası ilə bağlı səsvermənin nəticələrini açıqlayıb.
NUHÇIXAN İnformasiya Agentliyi qurumun rəsmi saytına istinadən xəbər verir ki, ən yaxşı "11-lik"də Almaniya "Bavariya"sının 4 futbolçusu yer alıb.
Həmçinin İspaniya "Barselona"sından Lionel Messi, İtaliya "Yuventus"undan Kriştianu Ronaldu və Fransa PSJ-sindən Neymar da rəmzi komandaya düşüb.
Qapıçı: Manuel Noyer ("Bavariya")
Müdafiəçilər: Yozua Kimmix, Alfonso Deyvis ( hər ikisi "Bavariya"), Serxio Ramos ("Real Madrid", İspaniya), Vircil Van Deyk ("Liverpul", İngiltərə)
Yarımmüdafiəçilər: Lionel Messi ("Barselona"), Kevin De Bröyne ("Mançester Siti", İngiltərə), Tyaqo Alkantara ("Liverpul")
Hücumçular: Kriştianu Ronaldu ("Yuventus"), Robert Levandovski ("Bavariya"), Neymar (PSJ)
Qadın futbolçulardan ibarət rəmzi "11-lik" isə aşağıdakı kimidir:
Qapıçı: Sara Buaddi ("Lion", Fransa)
Müdafiəçilər: Maqdalena Eriksson ("Çelsi", İngiltərə), Vendi Renar, Kadeyşa Byukenen (hər ikisi "Lion"), Lusi Bronz ("Mançester Siti", İngiltərə)
Yarımmüdafiəçilər: Amandin Şantal Anri, Sara Byork Qunnarsdottir (hər ikisi "Lion"), Keyra Hamraoui ("Barselona", İspaniya)
Hücumçular: Delfin Kaskarino ("Lion"), Pernilla Harder ("Çelsi"), Daniel Van de Donk ("Arsenal", İngiltərə)
Qeyd edək ki, sorğuda 6 milyona yaxın azarkeş iştirak edib.