Yamayka yığmasında ən çox qol vuran futbolçu vəfat etdi
Türkiyənin "Karabükspor" klubunun və Yamayka millisinin sabiq futbolçusu Luton Şelton vəfat edib.
NUHÇIXAN İnformasiya Agentliyinin məlumatına görə, keçmiş hücumçu 35 yaşında dünyasını dəyişib.
Şelton dağınıq skleroz xəstəliyi ilə mübarizə aparıb. O, üç il əvvəl danışıq qabiliyyətini və əzələ kütləsinin əhəmiyyətli hissəsini itirib.
Qeyd edək ki, Luton Şelton 2011 - 2013-cü illərdə "Karabükspor"un formasını geyinib. O, 2004 - 2013-cü illərdə Yamayka yığmasında 75 oyuna çıxıb və 35 qol vurub. Forvard Yamayka millisində ən çox qol vuran futbolçudur.