Manuel Noyer Bundesliqada yeni rekorda imza atıb

Almaniyanın “Bavariya” futbol klubunun qapıçısı Manuel Noyer Bundesliqada yeni rekorda imza atıb

NUHÇIXAN İnformasiya Agentliyi xəbər verir ki, 34 yaşlı qapıçı buna “Şalke” ilə matçda (4:0) nail olub.

Almaniyalı qapıçı çempionatda çıxış etdiyi dövr ərzində 197-ci dəfə qapısını toxunulmaz saxlamağı bacarıb. Beləliklə, o, sabiq komanda yoldaşı Oliver Kanın rekordunu yeniləyib. Kan 1987-2008-ci illərdə “Bavariya” və “Karlsrue”də 196 görüşdə qapısını toxunulmaz saxlayıb.

Noyer isə “Şalke” və “Bavariya”nın heyətində bu nəticəyə sahib olub.