“3 Dövlət, tək ürək!” devizi altında yoldaşlıq görüşü keçiriləcək

NUHÇIXAN İnformasiya Agentliyi xəbər verir ki, yoldaşlıq görüşü Naxçıvan Muxtar Respublikası Şahmat Federasiyası Sədərək Rayon bölməsinin, Sədərək Rayon Təhsil Şöbəsinin, Türkiyənin İzmir Deha Satranc Spor kulübünün və Pakistan Akıl Sporları Satranc kulübünün birgə təşkilatçılığı ilə baş tutacaq.

7 fevral 2021-ci il tarixində saat 12:00-da Lichess.org internet plartforması vasitəsi ilə onlayn keçiriləcək görüşdə  hər komandada 12 şahmatçı, ümumilikdə isə 36 müxtəlif dərəcəli şahmatçı şagirdlərin iştirakı nəzərdə tutulub.

Yarışın yekun nəticələri Naxçıvan Şahmat Federasiyasının və Naxçıvan Muxtar Respublikası Təhsil Nazirliyinin rəsmi internet saytlarında elan ediləcəkdir.