“Atletiko Madrid” - “Çelsi” görüşü İspaniyada keçirilməyəcək

UEFA Çempionlar Liqasında səkkizdəbir finalda “Atletiko Madrid” - “Çelsi” görüşünün İspaniyada deyil, Polşanın paytaxtı Varşavada keçirilməsi barədə razılıq əldə edilib.

NUHÇIXAN İnformasiya Agentliyi xarici KİV-lərə istinadla xəbər verir ki, bu barədə tezliklə rəsmi açıqlama ediləcək.

Qeyd edək ki, İngiltərə və İspaniyada mövcud karantin qaydalarına əsasən, hər iki ölkə bir-birinə gediş-gəlişi müvəqqəti dayandırıb. Həmçinin bir gün əvvəl də “Leyptsiq” - “Liverpul” oyununun keçiriləcəyi yer dəyişdirilərək Macarıstanın paytaxtı Budapeşt şəhərinə təyin edilib.