Yurgen Klopp "Liverpul"un tarixinə düşüb
Çempionlar Liqasının səkkizdəbir final mərhələsində “Leyptsiq”lə oyun “Liverpul”un baş məşqçisi Yurgen Klopp üçün əlamətdar olub.
NUHÇIXAN İnformasiya Agentliyi xəbər verir ki, səfər qələbəsi almaniyalı mütəxəssisi tarixə salıb.
Klub 2017-ci ilin sentyabrından bəri Kloppun rəhbərliyi altında bu turnirdəki 18 oyunda qapısının toxunulmazlığını qoruya bilib. İndiyə qədər heç bir klub belə zaman kəsiyində bu göstəriciyə imza atmağı bacarmayıb.
Qeyd edək ki, Macarıstandakı qarşılaşmada 2:0 hesablı qələbə qazanan “Liverpul” “Leyptsiq”i martın 10-da doğma arenasında qəbul edəcək.