Gənc rəssamın əsərləri “Xəmsə möcüzəsi”ndə - FOTOLAR
NUHÇIXAN İnformasiya Agentliyi xəbər verir ki, Naxçıvan Muxtar Respublikası Gənclər Fondunun təşkilatçılığı ilə gənclər arasında “Xəmsə möcüzəsi” adlı rəsm müsabiqəsi keçirilib.
Müsabiqə Azərbaycan ədəbiyyatının görkəmli nümayəndəsi və mütəfəkkiri Nizami Gəncəvinin 880 illik yubileyinə həsr olunan “Nizami xəmsəsi” layihəsi çərçivəsində keçirilib. 12 gəncin iştirak etdiyi müsabiqə gənc nəslə Nizami irsini təbliğ etmək, onlarda klassik irsə məhəbbət hissi aşılamaq, gənclərin asudə vaxtını səmərəli təşkil etmək və istedadlı gəncləri üzə çıxarmaq məqsədini daşıyıb.
Münsiflər heyətinin yekun qərarına əsasən müəyyənləşdirilən qaliblər hədiyyə və diplomlarla təltif ediliblər.
Qeyd edək ki, 12 rəsm əsərindən ibarət sərgi fevralın 22-dək davam edəcək.
Mədinə Rəhimli