İtaliya A Seriyası: “Yuventus” səfərdə xal itirib

Fevralın 27-də futbol üzrə İtaliya A Seriyasının 24-cü turunun növbəti oyunu keçirilib.

NUHÇIXAN İnformasiya Agentliyi xəbər verir ki, turun maraq doğuran görüşü “Mark Antonio Benteqodi” stadionunda baş tutub.

Cari mövsüm iddialı oyunu ilə diqqət çəkən,“Verona” doğma azarkeşlər önündə son çempion “Yuventus” komandasını qəbul edib.

Qarşılıqlı hücumlarla keçən görüşdə qalib müəyyənləşməyib - 1:1.

Oyunda hər iki qol oyunun ikinci hissəsində vurulub.

Əvvəla qonaqların portuqaliyalı ulduzu Kriştiano Ronaldo (49-cu dəqiqə) sonra isə meydan sahiblərin futbolçusu Antonin Barak (77-ci dəqiqə) fərqlənib. Qeyd edək ki, bu Ronaldonun cari mövsüm İtaliya A Seriyasında vurduğu 19-cu qolu olub.

Bu nəticədən sonra xal ehtiyatını 46-a çatdıran “Yuventus” turnir cədvəlində üçüncü yerdə, “Verona” isə 35 xalla doqquzuncu yerdə qərarlaşıb.