“Qalatasaray” səfərdə “Ankaragücü”nə məğlub olub

197

Martın 3-də futbol üzrə Türkiyə çempionatının XXVIII turunun birinci gün qarşılaşmasında "Ankaragücü" doğma meydanda "Qalatasaray"ı qəbul edib.

NUHÇIXAN İnformasiya Agentliyi xəbər verir ki, qarşılıqlı hücumlar şəraitində keçən görüşdə paytaxt təmsilçisi rəqibini 2:1 hesabı ilə üstələyib. "Ankaragücü"nün qollarını İbrahim Akdağ və Saba Lobzanidze vurub. İstanbul təmsilçisinin heyətində isə Kərəm Aktürkoğlu fərqlənib.

Günün digər matçında "Kayserispor" öz meydanında "Rizəspor"u 2:1 hesabı ilə məğlub edib. "Ərzurumspor" - "Fatih Karagümrük" (2:2), "Başakşəhər" - "Konyaspor" (1:1) və "Sivasspor" - "Hatayspor" (1:1) oyunlarında isə qalib müəyyənləşməyib.

Turun digər oyunları martın 4-də keçiriləcək.

Hazırda Türkiyə Superliqasının turnir cədvəlinə 57 xalla "Qalatasaray" başçılıq edir. İkinci pillədə onunla eyni xala malik olan "Beşiktaş", üçüncü pillədə isə onunla 54 xal toplayan "Fənərbağça" qərarlaşıb.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: