Culfa rayonunda Spelio üzrə rayon birinciliyi keçirildi - FOTOLAR
NUHÇIXAN İnformasiya Agentliyi xəbər verir ki, birincilik həvəskar yeniyetmə və gənclər arasında Spelio-mağara turizm idman yürüyüşü üzrə təşkil olunub.
Rayonun Camaldın kəndində baş tutan və Naxçıvan Muxtar Respublikası Hava və Ekstremal İdman Növləri Federasiyasının Culfa və Ordubad Rayon Bölmələrinin və Rayon Gənclər və İdman İdarələrinin birgə təşkilatçılığı ilə reallaşan yarış “5 Mart Bədən Tərbiyəsi və İdman Günü”nə həsr edilib.
Birincilikdə ümumi olaraq 16 nəfər idmançı iştirak edib. İştirakçılar məlumatlandırılandan sonra birinciliyə start verilib. Yekun nəticəyə əsasən, Ordubad rayonu üzrə Əmrah Nağıyev I, Miryusif Seyidov II, Murad Cəfərov III yerə, Culfa rayonu üzrə Əli Əliyev I, Nizami Babayev II, Rəfayıl Qurbanlı isə III yerə layiq görülüb. Qalib və fərqlənən idmançılar təşkilatçılar tərəfindən diplom və hədiyyələrlə təltif edilib.
Əli Məmmədov