Kriştiano Ronaldo futbol tarixində ən məhsuldar futbolçu olub
İtaliyanın “Yuventus" klubunun hücumçusu Kriştiano Ronaldo futbol tarixinin ən məhsuldar oyunçusu olub.
NUHÇIXAN İnformasiya Agentliyi xəbər verir ki, o, bu nailiyyətə bu gün keçirilən İtaliya A Seriyasının 27-ci turu çərçivəsində "Kalyari" ilə oyunda nail olub.
Həmin görüşdə "Yuventus" klubu 3:1 hesablı qələbə qazanıb.
Portuqaliyalı het-triklə yadda qalaraq karyerasında rəsmi oyunlarda 770-ci qolun vurub. O, bu nəticəyə görə əfsanəvi braziliyalı oyunçusu Peleni qabaqlayıb.