Avropa çempionatında 13 cüdoçumuzun iştirakı planlaşdırılıb

Portuqaliyanın Lissabon şəhərində keçiriləcək cüdo üzrə Avropa çempionatında 13 idmançımızın iştirakı planlaşdırılıb.

NUHÇIXAN İnformasiya Agentliyi xəbər verir ki, kişilər arasında Davud Məmmədsoy, Kəramət Hüseynov (hər ikisi 60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq), Məmmədəli Mehdiyev (90 kq), Elmar Qasımov, Zelim Kotsoyev (100 kq), Uşangi Kokauri (100 kiloqramdan yuxarı) mübarizə aparacaqlar. Qadınların yarışında isə Aişə Qurbanlı, Leyla Əliyeva (hər ikisi 48 kq), Gültac Məmmədəliyeva (52 kq), İrina Kindzerska (78 kiloqramdan yuxarı) güclərini sınayacaqlar.