Bakıda keçirilməsi nəzərdə tutulan paracüdo üzrə Qran-Prinin yeri dəyişdirilib
Beynəlxalq Görmə Məhdudiyyətli İdmançılar Assosiasiyası (IBSA) Bakıda keçirilməsi nəzərdə tutulan paracüdo üzrə Qran-Prinin yerini dəyişib.
NUHÇIXAN İnformasiya Agentliyi IBSA-nın saytına istinadla xəbər verir ki, “Tokio 2020” Yay Paralimpiya Oyunları öncəsi sonuncu təsnifat yarışına Antalya ev sahibliyi edəcək. Buna koronavirus pandemiyası səbəb olub.
Turnir üçün yeni tarix də müəyyənləşdirilib. Belə ki, turnir mayın 28-29-da təşkil olunacaq.