Benzema Ronaldunun rekordunu qırıb tarixə düşdü
İspaniyanın "Real Madrid" klubunun futbolçusu Kərim Benzema İtaliya "Yuventus"unda çıxış edən Kriştianu Ronaldunun rekordunu qırıb.
NUHÇIXAN İnformasiya Agentliyinin məlumatına görə, 33 yaşlı hücumçu buna La Liqanın XXXI turunda "Kadis"i 3:1 hesabı ilə məğlub etdikləri matçda nail olub.
Görüşdə dubl edən fransalı forvard ikinci qolda Alvaro Odriosolaya məhsuldar ötürmə verib. Beləliklə, Benzema La Liqadakı məhsuldar ötürmə sayını 88-ə çatdırıb və keçmiş komanda yoldaşı Ronaldunu (87 məhsuldar ötürmə) geridə qoyub.
Bu, həmçinin Madrid klubunun XXI əsrdəki ən yaxşı göstəricisidir.
Qeyd edək ki, Kərim Benzema "Real Madrid"in formasını 2009-cu ildən geyinir.