Niderland və Avstriya milliləri pley-off mərhələsinə vəsiqələrini rəsmiləşdiriblər - FOTOLAR

269

İyunun 21-də futbol üzrə Avropa çempionatının qrup mərhələsinin III turunun daha iki qarşılaşması oynanılıb.

NUHÇIXAN İnformasiya Agentliyi xəbər verir ki, C qrupunun son turunda Ukrayna millisi Avstriya seçməsi ilə üz-üzə gəlib. Buxarestdəki "Milli Arena"da keçirilən görüş avstraliyalıların minimal hesabla qələbəsi ilə başa çatıb - 1:0. Oyunda yeganə qolun müəllifi 21-ci dəqiqədə Kristof Baumqartner olub.

C qrupunun digər görüşündə növbəti mərhələyə vaxtından əvvəl yüksəlmiş Niderland seçməsi səkkizdəbir final üçün şansı qalmayan Şimali Makedoniya ilə qarşılaşıb. Görüş Niderland seçməsinin 3:0 hesablı qələbəsi ilə yekunlaşıb.

Beləliklə, Avropa çempionatının C qrupundan növbəti mərhələyə Niderland və Avstriya seçmələri çıxıb. Üç xalı olan Ukrayna millisi isə ən yaxşı üçüncü yeri tutan komandalardan olmaq üçün digər matçların nəticələrini gözləməlidir.

Xatırladaq ki, Bakı Olimpiya Stadionu iyulun 3-də dörddəbir final mərhələsinin bir oyununa ev sahibliyi edəcək.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: