Naxçıvanlı cüdoçuların beynəlxalq turnirdə növbəti uğuru - FOTOLAR
Avqust ayının 11-12 də Türkiyənin Samsun şəhərində cüdo üzrə beynəlxalq turnir keçirilib.
Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə turnirdə 4 ölkədən (Azərbaycan, Türkiyə, Rusiya, Gürcüstan) 10 komanda iştirak edib. Naxçıvan Muxtar Respublikasının cüdo üzrə yığma komandasının 5 üzvü də turnirə qatılıb. Yarış Naxçıvan cüdoçuları üçün uğurlu olub. Yekun nəticəyə əsasən idmançılarımız Qalib Qaybalıyev 43 kq çəki dərəcəsində I yerə çıxıb. Digər yeniyetmə cüdoçularımızdan Rəhim Qaybalıyev 22 kq çəki dərəcəsində II , Abbas Məmmədov 50 kq çəki dərəcəsində II , Cavid İsayev 50 kq çəki dərəcəsində III yerə layiq görülüblər. Qaliblərə təşkilatçılar tərəfindən diplom və medallar təqdim olunub.