Çempionlar Liqası: "Araz Naxçıvan"ın rəqibləri bilinib

Futzal üzrə UEFA Çempionlar Liqasında ilkin mərhələnin püşkü atılıb.

NUHÇIXAN İnformasiya Agentliyinin məlumatına görə, Azərbaycan təmsilçisi "Araz Naxçıvan"ın da rəqibləri bəlli olub.

Joze Alesio Da Silvanın baş məşqi olduğu komanda F qrupunda "Raba" (Latviya), "Kampuksen Dinamo" (Finlandiya) və "Europa" (Cəbəllüratiq) ilə üz-üzə gələcək.

Qeyd edək ki, ilkin mərhələnin oyunlarına 8 ölkə ev sahibliyi edir. Avqustun 20-dən 25-dək keçiriləcək oyunlar Almaniya, İsveçrə, Şimali Makedoniya, Yunanıstan, Estoniya, Latviya, Albaniya və Monteneqroda təşkil ediləcək. "Araz Naxçıvan" qarşılaşmalarını Latviyada oynayacaq.