“Tueta”–“İnter Escaldes” matçını azərbaycanlı hakimlər briqadası idarə edəcək
FIFA referisi Rauf Cabbarov beynəlxalq oyuna təyinat alıb.
NUHÇIXAN İnformasiya Agentliyi AFFA-ya istinadla xəbər verir ki, o, UEFA Konfrans Liqasının ikinci təsnifat mərhələsinin ilk oyunları çərçivəsində keçiriləcək “Tueta” (Albaniya) – “İnter Escaldes” (Andorra) qarşılaşmasının baş hakimi olacaq. Ona Namiq Hüseynov və Cavanşir Yusfiov kömək edəcək. Dördüncü hakim funksiyasını Rəşad Əhmədov yerinə yetirəcək.
Matç iyulun 22-də Albaniyanın Dürres şəhərində keçiriləcək.