"Barselona"nın prezidenti Messinin PSJ-yə keçəcəyini təsdiqləyib
İspaniya "Barselona"sından ayrılan argentinalı futbolçu Lionel Messinin Fransa PSJ-sinə keçəcəyi dəqiqləşib.
NUHÇIXAN İnformasiya Agentliyinin məlumatına görə, bu barədə Kataloniya təmsilçisinin prezidenti Joan Laporta "Tuttomercatoweb" nəşrinə açıqlamasında deyib.
Funksioner 34 yaşlı hücumçunun Paris klubuna transfer olacağını təsdiqləyib: "Onun "Barselona"da qalmasını istərdim. Bunun üçün hər şeyi etdim. Amma alınmadı".
Qeyd edək ki, Lionel Messinin PSJ ilə 3 illik müqavilə imzalayacağı və illik 40 milyon avro qazanacağı bildirilib.