"Grand Chess Tour": Şəhriyar Məmmədyarov ilk 3 turda mübarizə aparıb
ABŞ-ın Sent-Luis şəhərində "Grand Chess Tour" şahmat seriyasının dördüncü mərhələsi - "Saint Louis Rapid and Blitz 2021" turniri start götürüb.
NUHÇIXAN İnformasiya Agentliyi xəbər verir ki, Azərbaycan qrosmeysteri Şəhriyar Məmmədyarov turnirin birinci günündə ilk 3 turda mübarizə aparıb. Şahmatçımız birinci turda ABŞ təmsilçisi Fabiano Karuana ilə heç-heçə edib. İkinci turda rusiyalı Petr Svidlerə qalib gələn Ş.Məmmədyarov üçüncü oyunda vyetnamlı Quaqn Lyem Liyə uduzub.
Turnir 9 rapid və 18 blits turdan ibarət olacaq. Mərhələnin mükafat fondu isə 150 min ABŞ dolları təşkil edəcək.
Xatırladaq ki, Ş.Məmmədyarov seriyanın birinci mərhələsi "Superbet Chess Classic Romania"nın qalibi olub.