"Grand Chess Tour": Şəhriyar Məmmədyarov növbəti 3 turda ABŞ təmsilçiləri ilə qarşılaşacaq

ABŞ-ın Sent-Luis şəhərində "Grand Chess Tour" şahmat seriyasının dördüncü mərhələsi - "Saint Louis Rapid and Blitz 2021" turniri davam edir.

NUHÇIXAN İnformasiya Agentliyi xəbər verir ki, bu gün Azərbaycan qrossmeysteri Şəhriyar Məmmədyarov daha 3 turda mübarizə aparacaq. Belə ki, növbəti turlarda onun rəqibləri ABŞ təmsilçiləri Cefri Ksionq, Sem Şenkland və Leyner Dominqez olacaq.

Qeyd edək ki, Ş.Məmmədyarov ilk 3 turda 3 xal qazanıb. O, bu nəticə ilə turnir cədvəlində 5-cidir. Turnir 9 rapid və 18 blits turdan ibarət olacaq. Mərhələnin mükafat fondu isə 150 min ABŞ dolları təşkil edəcək.

Xatırladaq ki, Ş.Məmmədyarov seriyanın birinci mərhələsi "Superbet Chess Classic Romania"ın qalibi olub.