"Barselona" Messinin forma nömrəsini braziliyalı futbolçuya təklif edib

İspaniya "Barselona"sı futbolçusu Filippe Koutinyonu komandada saxlamağı planlaşdırır.

NUHÇIXAN İnformasiya Agentliyi "Mundo Deportivo" nəşrinə istinadən xəbər verir ki, braziliyalı yarımmüdafiəçiyə daha əvvəl Lionel Messinin geyindiyi 10 nömrəli forma təklif olunub.

Kataloniya təmsilçisinin baş məşqçisi Ronald Kuman hesab edir ki, argentinalı hücumçunun Fransa PSJ-sinə gedişindən sonra Koutinyo komandaya daha çox xeyir verə bilər.

Qeyd edək ki, Filippe Koutinyo "Barselona"ya 2018-ci ildə 135 milyon avro təzminat qarşılığında İngiltərə "Liverpul"undan keçib.