Heydər Əliyev adına Hərbi Liseyin kursantları “Yay məktəbi”ndə - FOTOLAR

Gənclərin istirahətinin səmərəli təşkili məqsədilə Gənclərin Ağbulaq İstirahət Mərkəzində təşkil olunan yay məktəbləri qrafikə uyğun olaraq davam etdirilir.

Gənclər və İdman Nazirliyinin mətbuat xidmətindən NUHÇIXAN İnformasiya Agentliyinə bildirilib ki, budəfəki mərhələdə Heydər Əliyev adına Hərbi Liseyin kursantları mərkəzinin qonağı olublar. Yay məktəbinin proqramına əsasən, təyin olunan müddət ərzində təlim, konsert proqramı, müxtəlif idman oyunları, müsabiqələr, intellektual yarışlar və film nümayişləri təşkil olunacaq.

Naxçıvan Muxtar Respublikası Gənclər və İdman Nazirliyi, Gənclər Fondu, Həmkarlar İttifaqları Şurası, YAP Naxçıvan Muxtar Respublika Təşkilatının İcra Katibliyi və Heydər Əliyev adına Gənclər Birliyi tərəfindən təşkil olunan ənənəvi “Yay məktəbi” 3 gün davam edəcək.