Şahmatçımız Aydın Süleymanlı dünya kuboku yarışlarının finalında iştirak etməyəcək
Şahmatçımız Aydın Süleymanlı dünya kuboku yarışının finalında iştirak etməyəcək.
Bunu NUHÇIXAN İnformasiya Agentliyinə məlumatında şahmat üzrə yeniyetmələrdən ibarət yığma komandanın baş məşqçisi Fərid Abbasov bildirib.
O, qeyd edib ki, A.Süleymanlı sabah kişilər arasında start götürəcək Avropa çempionatında iştirak etdiyi üçün dünya kuboku yarışlarının final mərhələsindən imtina edib.
Qeyd edək ki, A.Süleymanlı dünya kuboku yarışlarının seçmə mərhələsində uğurla çıxış edərək 8,5 xalla bütün rəqiblərini üstələyərək qalib olub.