Avropa Liqası: "Qalatasaray" və "Fənərbağça" qrup mərhələsinə vəsiqə qazanıb - FOTOLAR

Türkiyənin "Qalatasaray" komandası UEFA Avropa Liqasının qrup mərhələsinə vəsiqə qazanıb.

NUHÇIXAN İnformasiya Agentliyinin məlumatına görə, İstanbul təmsilçisi pley-off mərhələsinin cavab oyununda Danimarka "Randers"ini qəbul edib.

Səfərdə rəqibi ilə 1:1 hesablı heç-heçə edən "sarı-qırmızılar" evdə 2:1 hesablı qələbəyə sevinib.

Danimarka klubu mübarizəyə UEFA Konfrans Liqasının qrupunda davam edəcək.

Türkiyənin "Fənərbağça" komandası da UEFA Avropa Liqasının qrup mərhələsinə vəsiqə qazanıb.

İstanbul təmsilçisi pley-off mərhələsinin cavab oyununda Finlandiyada HİK-in qonağı olub.

İlk görüşdə 1:0 hesablə qələbə qazanan Türkiyə klubu səfərdə rəqibini 5:2 hesabı ilə üstələyib.

HİK Avropa Liqasının III raundunda iki oyunun nəticəsinə əsasən "Neftçi"ni mübarizədən kənarlaşdırmışdı - 2:2, 3:0. Helsinki təmsilçisi Konfrans Liqasının qrupunda iştirak edəcək.