İtaliya millisi özünə məxsus rekordu yeniləyib - FOTOLAR

Futbol üzrə İtaliya millisi məğlubiyyətsiz oyunlar seriyasını uzadıb.

NUHÇIXAN İnformasiya Agentliyi xəbər verir ki, İtaliya yığması buna ötən gün dünya çempionatının seçmə mərhələsi çərçivəsində Litvanı 5:0 hesabı ilə məğlub etdikləri matçda nail olub. Beləliklə, Roberto Mançininin komandası məğlubiyyətsiz oyunlar seriyasını 37-yə çatdırıb və öz dünya rekordunu yeniləyib. Yığma son dəfə 2018-ci ilin sentyabr ayında Millətlər Liqasında Portuqaliyaya uduzub (0:1).

İtaliya millisinin bunadək ən yaxşı göstəricisi 1935-1939-cu illərdə Vittoro Pozzonun baş məşqçiliyi altında 30 matçlıq məğlubiyyətsiz oyunlar seriyası olub.