Messinin PSJ-dən qazanacağı gəlir açıqlanıb
Argentinalı futbolçu Lionel Messinin Fransanın "Paris Sen-Jermen" klubunda qazanacağı əməkhaqqı açıqlanıb.
NUHÇIXAN İnformasiya Agentliyinin məlumatına görə, futbolçu Paris klubunda 110 milyon avro gəlir əldə edəcək.
Qeyd olunur ki, argentinalı ulduzun illik maaşı 30 milyon avro təşkil edir. Bununla yanaşı, o, PSJ-də daha iki mövsüm qalarsa, 20 milyon avro məbləğində "loyallıq bonusu" əldə edəcək.
Xatırladaq ki, ötən ay "Barselona"dan ayrlan L.Messi avqustun 10-da PSJ ilə üçillik müqavilə imzalamışdı.